મંદિરનો પરિચય
શ્રી સિદ્ધિવિનાયક ગણેશ મંદિર, બાપુનગર – અમદાવાદનો એક પ્રાચીન આધ્યાત્મિક સ્થંભ છે, જ્યાં ભક્તિ, સેવા અને સંસ્કારનો અવિરત પ્રવાહ વહે છે. લગભગ સાત દાયકા પહેલા જ્યારે અમદાવાદ અને આજુબાજુના વિસ્તારોમાં નવા નવા ગણેશોત્સવની શરૂઆત થઈ રહી હતી, ત્યારે હિંદુ સમાજને સંગઠિત કરવા અને મહારાષ્ટ્રીયન–ગુજરાતી ભાઈબંધોને સાથે લાવવા માટે આ ક્ષેત્રમાં ગણપતિ બાપાના ઉત્સવો ઉજવવાની પરંપરા બળવાન બની.
આજથી લગભગ 1956–57 દરમિયાન મરાઠી અને ગુજરાતી ભક્તોએ પ્રેમભાવથી મળીને બાપુનગર વિસ્તારમાં આવેલા આ સ્થળે પ્રથમવાર ગણેશોત્સવ ઉજવ્યો. ભક્તોની વધતી સંખ્યા અને અલૌકિક શ્રદ્ધાને ધ્યાનમાં રાખીને શ્રી બાલ ગોપાલ સાર્વજનિક ગણેશોત્સવ મંડળની સ્થાપના કરવામાં આવી. બાળકો થી લઈને વડીલો સુધી સૌના સહકારથી આ મંડળ થોડા સમયમાં જ ધાર્મિક તેમજ સામાજિક કાર્યો માટે જાણીતું બન્યું.
સમય સાથે ભક્તિનો પ્રભાવ વધતો ગયો અને લગભગ 1990ની આસપાસ નાનકડી દેરીમાં ગણપતિ દાદાની ચલ મૂર્તિની સ્થાપના કરવામાં આવી. અહીં રોજની આરતી, સેવાકાર્ય અને ભક્તોના અવિરત દર્શનોથી આ સ્થાન પવિત્ર ધામ તરીકે ખ્યાતિ પામવા લાગ્યું.
આગળ જઇને, 6 ડિસેમ્બર 1995ના રોજ ભવ્ય શિખરબદ્ધ મંદિરનું નિર્માણ પૂર્ણ થયું અને પવિત્ર પ્રાણ પ્રતિષ્ઠા સાથે રિદ્ધિ–સિદ્ધિ સહિત શ્રી ગણેશજી અહીં વિરાજમાન થયા. ત્યારથી આજદિન સુધી મંદિર સતત ધાર્મિક, માનવ સેવા અને સમાજ upliftના કાર્યમાં અગ્રણિત રહ્યું છે.
મંદિર પરિસરમાં આગળ જઈને સિદ્ધેશ્વર મહાદેવ અને મંગલકરણ હનુમાનજીની સ્થાપના પણ કરવામાં આવી, જેના કારણે અહીં શિવરાત્રી, સોમવાર, શનિવાર અને હનુમાન જયંતી પર વિશેષ ભક્તિનો માહોલ સર્જાય છે.
દર મંગળવારે અહીં વિશેષ માન્યતા છે કે નિષ્ઠાપૂર્વક દર્શન કરનારની મનોકામના પૂર્ણ થાય છે. તેવી જ રીતે દર મહિને આવતી સંકટચોથને ભવ્ય રીતે ઉજવવામાં આવે છે, જ્યા ભક્તો ગણેશજી અને ચંદ્ર દર્શન કરીને પોતાનું વ્રત પૂર્ણ કરે છે.
આજનું શ્રી સિદ્ધિવિનાયક ગણેશ મંદિર માત્ર એક મંદિર નથી, પણ આસ્થા, પરંપરા, સેવા અને ભક્તિના સંગમથી નિર્ભર એક આધ્યાત્મિક ધામ છે.